">
काठमाडौं । ‘द भ्वाइस किड्स सिजन १’ र ‘द भ्वाइस सिजन ४’ सफलतापूर्वक सम्पन्न गरिसकेपछि खल्तीले ‘द भ्वाइस किड्स-सिजन २’ सँग एक्सक्लुसिभ भोटिङ पार्टनरका रुपमा साझेदारी गरेको छ । कार्यक्रमको भोटिङ लाइनहरु खुलेपछि दर्शकहरुले सजिलैसँग आफ्नो मनपर्ने प्रतिभालाई भोट गर्न सक्नेछन् ।
कार्यक्रम फागुन २६ बाट हिमालय टीभीबाट औपचारिक रुपमा प्रसारण हुनेछ । अघिल्ला वर्षहरुमा यो कार्यक्रमले पहिले नै दर्शकहरुको ध्यानाकर्षक गरिसकेको र आगामी सिजनमा पनि त्यस्तै हुने अपेक्षा गरिएको छ । यस सिजनमा पनि गायक प्रमोद खरेल, प्रविशा अधिकारी र मिलन नेवार कार्यक्रमका कोच/निर्णायक रहने भएका छन् ।
यसैबीच यो सिजनका लागि नयाँ कोच गायक सुशान्त केसी पनि रहेका छन् । द भ्वाइस एक अन्तर्राष्ट्रिय रियलिटी टेलिभिजन गायन प्रतियोगिता फ्रान्चाइजी हो । जसले देशभरका दर्शकको मन जितेको छ । कार्यक्रमले युवा र प्रतिभाशाली गायकलाई आफ्नो सीप प्रदर्शन गर्न र उत्कृष्ट गायकको शीर्षकका लागि प्रतिस्पर्धा गर्न प्लेटफर्म प्रदान गर्दछ । २०७४ मा नेपालमा ‘द भ्वाइस नेपाल’ नाममा अन्तर्राष्ट्रिय गायन प्रतियोगिताको फ्रेन्चाइज सुरु भएको थियो ।
‘द भ्वाइस नेपाल’ का चारवटा सिजन र ‘द भ्वाइस किड्स’ को एउटा सिजनको सफलतापछि ‘द भ्वाइस किड्स’ को दोस्रो सिजनतर्फ अघि बढिरहेको छ। खल्ती सन् २०७८ देखि द भ्वाइस नेपालसँग २ सिजन र द भ्वाइस किड्स सिजन १ का लागि विशेष साझेदार बनिसकेको छ ।
द भ्वाइस किड्स-सिजन २ हिमालय टीभीमा हरेक शुक्रबार र शनिबार राति ८ बजे प्रसारण हुनेछ । कार्यक्रम ब्लाइन्ड अडिसनबाट सुरु हुनेछ । त्यसपछि ब्याटल राउन्ड, लाइभ राउन्ड र फाइनल राउन्ड हुनेछ। भोटिङ लाइन लाइभ राउन्डबाट खुला हुनेछ र प्रयोगकर्ताले खल्ती एप प्रयोग गरी आफ्नो मनपर्ने प्रतिभालाई भोट गर्न सक्नेछन् ।
साझेदारीका बारेमा बोल्दै खल्तीका प्रमुख कार्यकारी अधिकृत विनय खड्काले भने, ‘हामी ‘द भ्वाइस किड्स नेपाल’ सँग अर्को साझेदारी गर्न पाउँदा र खल्ती डिजिटल वालेटमार्फत आम दर्शकलाई डिजिटल भोटिङको सुविधा प्रदान गर्न पाउँदा खुसी छौँ । अघिल्लो सिजनको तुलनामा यो शो अजै धेरै सफल हुनेमा म विश्वस्त छु। म सबैलाई खल्ती डाउनलोड गर्न र आफ्नो मनपर्ने प्रतियोगीलाई निर्बाध रुपमा भोट गर्न तयार हुन अनुरोध गर्दछु ।’
