काठमाडौं । अन्तर्राष्ट्रिय बजारमा कच्चा तेलको भाउ घटेको छ । अन्तर्राष्ट्रिय बजारमा कच्चा तेलको मूल्य प्रतिब्यारेल ७० डलरभन्दा तल झरेको छ ।
पछिल्लो केही महिनादेखि अन्तराष्ट्रिय बजारमा ओरालो लागेको कच्चा तेलको मूल्य शुक्रबार कारोबार बन्द हुँदा डब्लुटीआई तेलको मूल्य प्रतिब्यारेल ६६.७४ डलरमा झरेको छ । अन्तराष्ट्रिय सञ्चारमाध्यमका अनुसार पछिल्लो ९ महिनाको अवधिमा औसतमा कच्चा तेलको भाउ प्रतिब्यारेल ५० डलर झरिसकेको छ ।
गत जुन ९ मा डब्लुटीआई तेलको मूल्य प्रतिब्यारेल १२१ डलरसम्म पुगेको थियो । त्यस्तै, शुक्रबार मार्स यूस तेलको भाउ ६७.२४ डलरमा झरेको छ । ब्रेन्ट तेल प्रतिब्यारेल ७२.९७ र मुर्बान क्रुडको ७३.८१ डलरमा झरेको छ । बिहीबारको तुलनामा शुक्रबार मात्रै अधिकांश कच्चा तेलको भाउ २ प्रतिशतले घटेको छ । कच्चा तेलको मूल्यले नेपालको अर्थतन्त्रमै असर पार्दछ ।
खरिद गरेको कच्चा तेलको मूल्यअनुसार नेपाललाई भारतले प्रत्येक १५/१५ दनिमा नयाँ मूल्य सूची पठाउँछ । कच्चा तेलको भाउ घट्दा नेपालबाट तेलमा बाहिरिने रकम पनि घट्न जान्छ । कच्चा तेलको मूल्य घटेमा महँगी नियन्त्रणमा समेत सघाउ पुग्दछ ।
