काठमाडौं । अनलाइन ई-कमर्स प्लेटफर्म, दराज नेपालले यसवर्षको दराज सेलर समिट मार्च १९, २०२३ मा आयोजना गरेको छ । कम्पनीका अनुसार यस कार्यक्रमको मुख्य एजेन्डा दराजको सबै विक्रेताहरूलाई उनिहरुको सहयोग र प्रतिबद्धताका लागि आभार प्रकट गर्नु हो ।
त्यसैगरी, सो इभेन्ट दराजको एक अवार्ड तथा बिक्रेताहरुसँग अभिवादन प्रकट गर्ने समारोह पनि थियो । कार्यक्रममा आ-आफ्नो क्षेत्रका विज्ञहरुले विभिन्न मन्तब्यहरु समाबेश गरेका थिए । मधु कुमार मरासिनी (सचिव, उद्योग, वाणिज्य तथा आपूर्ति मन्त्रालय), दराज नेपालका प्रबन्ध निर्देशक आँचल कुँवर, शेखर गोल्छा (FNCCI का अध्यक्ष) र साथमा दीपकराज जोशी, रामचन्द्र तिवारी, प्रवीण रुक्षन, होमनाथ भट्टराई, भेषबहादुर कुँवर, लक्ष्मण हुमागाई, शंकरसिंह धामी, सुदेश उपाध्याय, गोविन्द घिमिरे र सुनिता कायस्थ विशेष अतिथिको रूपमा यस इभेन्टमा उपस्थित भएका थिए ।
समारोहमा दराज नेपालका प्रबन्ध निर्देशक आँचल कुँवरले उपस्थित ब्यक्तित्वहरुलाई सम्बोधन गर्दै, कम्पनीले गत वर्षमा गरेका उपलब्धिहरू, भावी वर्षको लागि दृष्टिकोण, र वाणिज्य शक्तिको माध्यमबाट समुदायको उत्थान गर्न कम्पनीको प्रयासलाई हाइलाइट गरेकी थिइन् । उनले यस इभेन्टमार्फत दराज परिवर्तनका लागि एक सकृय च्यानल हुन चाहेको कुराहरु व्यक्त गरेकी थिइन् ।
यसबाहेक शेखर गोल्छाले नेपालको इ-कमर्स र डिजिटल अर्थतन्त्र, यसका फाइदा र बेफाइदाका साथै नेपालको ई-कमर्स उद्योगको लागि आगामी दशक कस्तो रहने छ भन्ने बारेमा आफ्ना विचार र दृष्टिकोणहरु साझा गरेका थिए । त्यस्तै, दराजको प्रमुख कार्यकारी अधिकृत बिमल अर्यालले विगत केही वर्षमा दराजले सञ्चालनको दृष्टिकोणबाट गरेका सुधारहरूको बारेमा प्रस्ट परेका थिए । यसका साथसाथै एनएमबि बैंकका डीसीईओ गोविन्द घिमिरेले दराज बिक्रेताहरूले अब बैंकबाट Collateral Free Loan हरु प्राप्त गर्न सक्नेछन् भन्ने कुराहरु जानकारी दिएका थिए ।
कार्यक्रमको समापनमा एक अवार्ड समारोह राखिएको थियो जहाँ गत वर्षका उत्कृष्ट बिक्रेताहरुलाई बिशेष ट्रफी तथा १० हजार बराबरको दराज भाउचर प्रदान गरिएको थियो ।
