काठमाडौं । नेपाल उद्योग बाणिज्य महासंघका उपाध्यक्ष अन्जन श्रेष्ठले व्यवसायीहरुले ऋण नतिर्ने नभनेको तर चर्को व्याजदर घटाउनु पर्ने बताएका छन् । मंगलबार नेपाल राष्ट्र बैंकको केन्द्रीय कार्यालय मार्ग भाटभटेनीमा आयोजित विरोध प्रर्दशनमा उनले बढ्दो व्याज धान्नै नसकेर व्यवसायी पिडित भएको दुखेसो गरे ।
उनले भने- ‘बैंक तथा वित्तिय समस्याले व्यवसायीहरु पिडित छन् । बढ्दो व्याज व्यवसायीहरुले धान्नै सकेनन् । अहिले लिलामीको सुचनाहरु निस्कीरहेको छ । हामीले व्याज र ऋण तिर्दीन भनेका छैनौं । व्याज तिर्न सक्ने अवस्था भएन् । त्यसैले बढ्दो व्याजदर घटाउन’पर्यो भन्ने मात्र हाम्रो माग हो ।
बैंक तथा वित्तीय समस्या संघर्ष समिति नेपालले आयोजना गरेको प्रर्दशनमा विभिन्न उद्योगी तथा व्यवसायी सहभागि थिए । समितिले बैंक तथा वित्तीय समस्या समाधानको माग गर्दै विरोध प्रर्दशन गर्दै आएको छ ।
