काठमाडौं । नेपाल एसबिआइ बैंक, सीता प्यालेस होटेल र सीता प्यालेस होलिडे इन प्रालिबीच विशेष छुट प्रदान गर्ने सम्झौता भएको छ ।
नेपाल एसबिआइ बैंकका सम्पूर्ण भिसा डेबिट कार्डबाहक ग्राहकहरूलाई लक्षित गरी सीता प्यालेस होटेल तथा सीता प्यालेस होलिडेमा कार्ड प्रयोग गर्दा छुट पाउने सम्झौता भएको हो । उक्त सम्झौता अनुसार बैंकका ग्राहकहरूले कार्ड प्रयोग गर्दा लिने निश्चित सुविधामा छुट प्राप्त गर्न सक्नेछन् ।
उक्त सम्झौतापत्र बैंकका मधेस प्रदेश प्रमुख लेखनाथ पोख्रेल र सीता प्यालेस होटेल तथा सीता प्यालेस होलिडे इनका प्रबन्ध निर्देशक विनोदप्रसाद मैनालीबीच आदानप्रदान भएको हो ।
