काठमाडौं । नेपाल कृषि मेशिनरी व्यवसायी संघ र सिद्धार्थ प्रिमियर इन्स्योरेन्सबीच स्वस्थ्य विमा सम्झौता भएको छ । जोखिम न्युनिकरण गर्नका लागि संघ र इन्स्योरेन्सबीच स्वस्थ्य विमा सम्झौता भएको हो । सम्झौता पत्रमा सिद्धार्थ प्रिमियर इन्स्योरेन्सका प्रमुख व्यवस्थापक रामजी ढकाल र संघका अध्यक्ष खोजराज कटुवालले हस्ताक्षर गरेका छन् ।
पहिलो चरणमा ३३ जना व्यवसायीहरुको विमा गरिएको संघले जनाएको छ । सम्झौता पत्रमा २ लाख बराबरको दुर्घटना र ८० हजार बराबरको स्वास्थ्य बिमा गरिने उल्लेख छ । यसमा आवश्यक सहजीकरण आफुहरुले गर्ने इन्स्योरेन्सका प्रमुख व्यवस्थापक रामजी ढकालले जानकारी दिए । उहाले उपचार पश्चात अस्पतालले खर्चको बिबरण पठाएपछि इन्स्योरेन्सले भुक्तानी दिने बताए ।
त्यस्तै संघका अध्यक्ष कटुवालले व्यवसायीको जोखिम न्युनिकरणका साथै विमाप्रति सचेतना दिलाउनका लागि संघले सम्झौता गरेको बताएका छन् । संघमा करिव दुई सय कृषि मेशिनरी व्यवसायीहरु आवद्ध छन् ।
