">
काठमाडौं । अर्थमन्त्री डा. प्रकाशशरण महतले भन्सारका कर्मचारीलाई इमान्दारिताका साथ पारदर्शी भएर काम गर्न निर्देशन दिएका छन् । बिहीबार विराटनगर भन्सार कार्यालयको निरीक्षणका क्रममा मन्त्री महतले यस्तो निर्देशन दिएका हुन् ।
राजस्व संकलन निकै संवेदनशील सेवा भएकोले इमान्दार भएका काम गर्न मन्त्री महतले भन्सारका कर्मचारीलाई निर्देशन दिए । ‘तपाईँहरु राज्यको राजस्व सङ्कलन जस्तो संवेदनशील सेवामा हुनुहुन्छ । कुनै पनि तहमा माथि देखाएर आफ्नो जिम्मेवारीको दुरुपयोग गर्ने अथवा अनुचित काम गर्ने छुट कसैलाई छैन ।’, उनले भने, ‘भन्सार चुहावट गर्ने प्रवृत्तिलाई हामी क्षमा दिदैनौँ । मलाई विश्वास छ, यहाँहरुले राम्रो गर्न कोसिस गरिराख्नु भएको छ र आगामी दिनमा झन् राम्रो गर्नुहुनेछ ।’
त्यस्तै, मन्त्री डा.महतले कर्मचारीको मूल्याङ्कन कामका आधारमा हुने पनि स्पष्ट पारेका छन् । यो आर्थिक वर्षको असारसम्ममा भन्सार असुलीको प्रतिशत निकै बढ्ने गरेको बताउँदै अर्थमन्त्री डा.महतले राजस्व बढाउने नाममा करदातालाई अनावश्यक दुःख नदिन पनि कर्मचारीहरुलाई निर्देशन दिएका छन् ।
‘समग्रमा हामी पारदर्शीताका साथ काम गरौँ, सेवाग्राहीलाई सहज र सौहादपूर्ण वातावरण निर्माण गरौँ ।’, उनले थपे, ‘नियम कानुन अनुसार काम गरौँ, हामीले गर्नुपर्ने काममा सम्झौता नगरौँ ।
