काठमाडौं । अमेरिका तथा कोरिया पठाईदिन्छु भन्दै करोडौं रकम ठगी गर्ने व्यक्ति पक्राउ परेका छन् । काठमाडौं महानगरपालिका वडा नं.१४ स्थाई घर भई हाल बुढानिलकण्ठ नगरपालिका कपन बस्ने ४२ वर्षीय पवन राणा पक्राउ परेका हुन् ।
उनले सयौं व्यक्तिहरुलाई वैदेशिक रोजगारीका लागी अमेरिका तथा दक्षिण कोरिया पठाउने भन्दै पिडितहरुबाट करोडौं रकम लिई सम्पर्क बिहिन भएको प्रहरीले जनाएको छ । राणालाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलिले चैत २८ गते बुढानिलकण्ठ नगरपालिका कपनबाट पक्राउ गरेको हो ।
पक्राउ परेका राणालाई थप अनुसन्धान तथा कारवाहीका लागि वैदेशिक रोजगार विभाग बुद्धनगर, काठमाडौं पठाईएको छ ।
