काठमाडौं । ४९ रुपैयाँको लगानी गर्दा डेढ करोड पुरस्कार ? सामान्यतया, यो कुरा पत्याउन वा सहज रुपमा स्वीकार गर्न गाह्रो हुन्छ । तर, भारतमा एकजना व्यक्ति भारतीय ४९ रुपैयाँ लगानीबाट छिनभरमै करोडपति बनेका छन् ।
भारतको मध्यप्रदेश बरवानीमा रिक्सा चलाउने शाहबुद्धीन मन्सुरी ४९ रुपैयाँ लगानी गरेर करोडपति बनेका हुन् । अनलाइन गेमिङ एप ‘ड्रिम ११’मा ४९ रुपैयाँ भारु लगानी गरेका उनी छिनभर मै डेढ करोड रुपैयाँको मालिक बनेका हुन् ।
मन्सुरीले आइपीएलमा कोलकता र पञ्जाबबीचको खेलमा ‘ड्रिम ११’मा ४९ रुपैयाँ भारु लगानी गरेका थिए । उक्त खेलमा प्रथम बनेका मन्सुरीले १ करोड ५० लाख रुपैयाँ पुरस्कार जितेका हुन् । उनले विगत २ वर्षदेखि ‘ड्रिम ११’मा काल्पनिक क्रिकेट खेल्दै आएको भारतीय सञ्चारमाध्यमले उल्लेख गरेका छन् ।
