काठमाडौं । ग्लोबल हाईड्रोपावर एसोशिएट्स लिमिटेडले निष्कासन गर्न लागेको साधारण सेयरको प्रत्याभूति सेवा उपलब्ध गर्नका लागि मेगा क्यापिटल मार्केट्स लिमिटेड तथा नेपाल एसबिआई मर्चेन्ट बैंकिङ लिमिटेडबीच सम्झौता भएको छ ।

ग्लोबल हाईड्रोपावर एसोशिएट्स लिमिटेडले ५८ करोड ६० लाख रूपैयाँ सेयर पूँजी बराबरको १०० रूपैयाँ दरको ५८ लाख ६० हजार कित्ता साधारण सेयर निष्काशन गर्न लागेको हो ।

मंगलबार एक कार्यक्रमका बीच ग्लोबल हाईड्रोपावरका अध्यक्ष मोतीलाल दुगड, मेगा क्यापिटलका तर्फबाट का. मु. प्रमुख कार्यकारी अधिकृत शुलभ श्रेष्ठ र नेपाल एसबिआई मर्चेन्टका तर्फबाट प्रमुख कार्यकारी अधिकृत देवराज अधिकारीले सम्झौतापत्रमा हस्ताक्षर गरेका हुन् ।

उक्त कार्यक्रममा ग्लोबल हाईड्रोपावर एसोशिएट्स लिमिटेडका प्रमुख वित्त अधिकृत पुर्ण मान नापित, मेगा क्यापिटल मार्केट्स लिमिटेडका प्रमुख-मार्केटिङ विभाग गिरी राज पोखरेल र नेपाल एसबिआई मर्चेन्ट बैंकिङ लिमिटेडका अनिल कुमार महर्जन समेतको उपस्थिति रहेको थियो ।