काठमाडौं । खल्तीले साना तथा मझयौला व्यवसाय भएकाहरुलाई खल्ती पेमेन्ट गेटवे मार्फत आफ्नो व्यापार डिजिटल रूपमा बढाउन मद्दत गर्नका लागि अफर ल्याएको छ । ‘स्मार्ट उद्यमी’ नामक यस अफरमा खल्ती पेमेन्ट गेटवे सेवा सँग एकीकृत गरी एपीआई शुल्कमा ५० प्रतिशत क्यासब्याक, नि:शुल्क क्विक लिंक पेमेन्ट र एक वर्षको नि:शुल्क एसएमएस प्यानल प्राप्त गर्न सकिने छ ।

खल्ती पेमेन्ट गेटवेले व्यवसायहरूलाई आफ्ना ग्राहकहरूबाट सुरक्षित र प्रभावकारी रूपमा आफ्नै वेबसाइट र एपहरूमार्फत भुक्तानीहरू स्वीकार गर्न अनुमति दिन्छ । खल्तीको SDK/API मार्फत, व्यवसायहरूले खल्ती वालेट, इ-बैंकिङ, मोबाइल बैंकिङ, SCT र VISA/Master कार्ड, र Connect IPS जस्ता विभिन्न माध्यमहरूबाट भुक्तानीहरू स्वीकार गर्न सकिने छ ।

खल्तीको ‘स्मार्ट उद्यमी’ अफरहरू यस प्रकार छन् :
● व्यवसायहरूको पेमेन्ट गेटवे API शुल्कमा ५० प्रतिशत क्यासब्याक अर्थात रु. १०,००० प्राप्त हुने
● एक वर्षको लागि निःशुल्क SMS प्यानल
● लेनदेन शुल्कमा ३३ प्रतिशत छुट
● क्विक लिङ्क भुक्तानीको पहिलो वर्षको वार्षिक शुल्कमा १०० % छुट
● कर्पोरेट बिलहरुका लागि उद्यम खाता (इन्टरप्राइस खाता)

हालै खल्तीले ‘क्विक लिंक पेमेन्ट’ को नयाँ सेवा पनि सुरु गरेको छ जसले व्यापारीहरूलाई आफ्ना ग्राहकहरूलाई डिजिटल बिल बनाई छिट्टै भुक्तानी प्राप्त गर्न अनुमति दिन्छ । स्मार्ट उद्यमीको अफर अन्तर्गत यस सेवालाई एक वर्षसम्म बिना कुनै शुल्क प्रयोग गर्न सकिने कम्पनीले जनाएको छ ।

उक्त अफरको बारेमा खल्तीका प्रमुख कार्यकारी अधिकृत विनय खड्काले भने, ‘डिजिटल रूपमा विकसित रहन हामीसबै प्रकारका व्यवसायहरूलाई सशक्त बनाउनमा लागि परेका छौं र हामीले यो ‘स्मार्ट उद्यमी’ प्रस्तावलाई फेरि ल्याई व्यवसायहरूलाई त्यो लक्ष्यतर्फ प्रोत्साहित गर्न चाहान्छौं । साथै, हामी डिजिटल वालेट सेवाहरू मार्फत व्यवसायलाई उत्कृष्ट पेमेन्ट गेटवे प्रदान गर्न प्रतिबद्ध छौं ।’

खल्तीले सबै नेपालीहरूमा वित्तीय साक्षरता ल्याउने उद्देश्यका साथ खल्तीले आफ्ना डिजिटल सेवा मार्फत बिल भुक्तानी, मोबाइल र टिभी रिचार्ज, हवाई, सिनेमा, र एइभेन्ट टिकट बुकिङ, बीमा शुल्क, इ-कमर्सहरू, सरकारी राजस्व, फोहोर व्यवस्थापन बिलहरू, र थुप्रै डिजिटलाइज्ड सेवाहरू उपलब्ध गराएको छ ।