">
काठमाडौं । सूर्योदय वोमी लघुवित्त वित्तीय संस्था लिमिटेडको शाखा कार्यालय करापुटार लमजुङले समूहमा आबद्ध सदस्य महिलाका लागि च्याउ खेती सम्बन्धी तालिम संचालन गरेको छ । उक्त संस्थाले आफ्नो कार्यक्षेत्रमा पर्ने समूहका सदस्यहरु उद्यमी बनाउने उद्देश्यले एक दिने तालिम संचालन गरेको हो ।
संस्थाका शाखा प्रबन्धक देबेन्द्र लम्सालका अनुसार मध्यनेपाल नगरपालिका वडा नं. ७ करापुटार स्थित तामाङ सेवा समाज भवनमा भएको तालिममा १०२ जनाको उपस्तिथि रहेको थियो । संस्थाबाट ऋण लिएका महिलालाई उद्यमी बनाएर आयआर्जन गर्नका लागि तालिम प्रदान गरिएको प्रबन्धक देबेन्द्र लम्सालले बताएका छन् ।
तालिमको कार्यक्रम संचालन शाखा कार्यलय करापुटारका शाखा प्रबन्धक देबेन्द्र लम्सालले गरेका थिए भने केन्द्र न.१०० डडुवा महिला समुहकि सदस्य राज कुमारी गुरुङको अध्यक्षतामा र मध्यनेपाल नगर पालिका वडा न. ०७ का वडा सदस्य तेज तामाङले तालिमको उद्धघाटन गरेका थिए । तालिमको प्रशिक्षण प्रशिक्षक नारायण प्रसाद पौडेलले गरेका थिए ।
पछिल्लो समय ऋण लिएर सही सदुपयोग नगर्दा धेरै महिलाहरु समस्यामा परेका बेला उद्यमशिलता विकासका लागि तालिम मार्फत सीप प्रदान गर्न संस्थाले पहल गरेको शाखा प्रबन्धक लम्सालले बताए ।
यसैबीच तालिमका सहभागि सदस्यहरुले बोल्दै सीप सिकेपछि लिएको कर्जा मार्फत आय आर्जन गर्न सहयोग पुग्ने र सस्थाले अझ बढी यस्ता तालिमहरु आयोजना गरेको खण्डमा सत प्रतीशत ऋणि हरुको आर्थिक स्तर माथी उठ्ने बताएका थिए ।
