काठमाडौं । मेगा क्यापिटल मार्केट्स लिमिटेडले नयाँ वर्षको उपलक्ष्यमा ग्राहकहरुलाई न्यूनतम लागतमा २०ः८० लगानी व्यवस्थापन सेवा प्रारम्भ गरेको छ ।
उक्त सेवा अन्तर्गत ग्राहकले लगानी पोर्टफोलियोमा हाल बिधमान मुद्दती निक्षेपमा प्राप्त गर्न सकिने अधिकतम १२ प्रतिशत ब्याजदर भन्दा बढी नाफा भएको खण्डमा मात्र बढी नाफाको २० प्रतिशत नाफा साझेदारी (Performance Fee) मेगा क्यापिटलले लिने गरी वार्षिक सञ्चालन सेवा शुल्क (AMC) मा शतप्रतिशत छुट प्राप्त गर्न सकिने क्यापिटलले जनाएको छ ।
न्यून जोखिम आय उपकरणमा प्राप्त हुने आम्दानी सम्ममा सेवा शुल्क नलाग्ने हुनाले ग्राहकहरुले न्यून लागतमा व्यवसायिक लगानी व्यवस्थापकको सेवा प्राप्त गर्न तथा सेयर बजार तर्फ लगानी प्रारम्भ गर्न मद्दत पुर्याउने आशा क्यापिटलले लिएको छ । न्यूनतम ३ लाख नगद वा सेयर हस्ताणतरण गरेर उक्त सेवा न्यूनतम १ वर्षको लागि लिन सकिने छ र उक्त सेवा २०८० बैशाख महिनाभरिको लागि मात्र लागु हुने र अपेक्षित प्रतिफल १५ देखि २० प्रतिशत हुने अनुमान गरिएको छ ।
लगानी व्यवस्थापन सेवा प्रदायक कम्पनीहरु मध्ये छोटो समयमा मेगा क्यापिटलले गुणात्मक र परिमाणात्मक हिसाबले आफूलाई अब्बल साबित गर्न सफल भएको दावी गरेको छ । साथै, आफूले सेयर बजारमा लगानी गर्ने इच्छा हुँदाहुँदै पनि पर्याप्त समय दिन असमर्थ वा सेयर बजार सम्बन्धि जानकारी तथा अनुभव नभएता पनि विशेषज्ञहरुबाट व्यावसायिक तवरले लगानी व्यवस्थापन सेवा लिन सकिने छ ।
