काठमाडौं । एनसेल आजियाटा कम्पनीको प्रमुख कार्यकारी अधिकृत (सीईओ)मा जब्बोर कायुमोभ नियुक्त भएका छन् ।
विगत १५ वर्षभन्दा बढी समय दूरसञ्चार उद्योगका विभिन्न कम्पनीमा उच्च पदमा रहेर काम गरेका कायुमोभ मे १० बाट एनसेलमा सीईओको कार्यभार सम्हाल्ने गरी नियुक्त भएका हुन् । यसअघि कम्पनीका सीईओ एन्डी चोङ रहेका थिए । उनी अहिले एनसेलको अभिभावक कम्पनी आजियाटा ग्रुपको चिफ कर्पोरेट अफिसर (सीसीओ)का रूपमा नियुक्त भएका छन् ।
एनसेलमा रही ६ वर्ष काम गरेका चोङले सन् २०१९ मा एनसेलको सीईओको रुपमा काम सुरु गरेका थिए । यो भन्दा अगाडि उनले कम्पनीको चिफ कमर्शीयल अफिसरका रुपमा काम गरेका थिए ।
