नेपाल धितोपत्र बोर्डले बर्ष २०७९ मा सेयर बजारमा गलत गर्नेहरुविरुद्ध एक्सन लिने क्रमलाई थप शशक्त बनायो । यहि बीचमा ३ ब्रोकर कम्पनीलाई नगद जरिवाना र रेटिङ एजेन्सी केयर रेटिङ नेपाललाई स्पष्टीकरण सोध्यो बोर्डले । यस्तै बोर्डले सनी सेक्युरिटीज, इम्पेरियल सेक्युरिटीज र त्रिसुल सेक्युरिटीजलाई नगद जरिवानासमेत गरायो । बर्ष २०७९ मा सम्भवत पछिल्ला बर्षहरुमा सबै भन्दा बढी जरिवाना गराइयो ब्रोकरहरुलाई । बर्षौंदेखि बोर्डलाई आफ्नो मुठीमा राख्न खोज्नेहरुविरुद्ध बोर्डको हमाल नेतृत्व क्रुर बन्यो र उनीहरुको गलत कामविरुद्ध बोर्ड एक्सनमा उत्रियो ।  उता फेसबुकमा भालु ग्याङ्ग बनाएर अरुको चरित्रहत्या गरेको आरोपमा केहि १० कित्तेहरु पक्राउ परे । पछि साइबर केस लगाउनेसँग उनीहरुले माफी मागेपछि कुरा टुंगियो ।

३. बोर्ड अध्यक्षविरुद्ध निरन्तरको प्रहार
बर्ष २०७९ सालमा नेपाल धितोपत्र बोर्डका अध्यक्षविरुद्द चौतर्फी प्रहार भयो । उनले गलत गरेको भन्दै केहि मिडियाहरु उनको विपक्षमा उभिए । उनी आफ्नै कम्पनीको रेटीङ विवादमा परे । यद्यपी हमालले यस विषयमा आफ्नो स्पष्टीकरण दिईसकेका छन् । केहि समय अगाडी उनले विभिन्न कम्पनीबाट पैसा असुल्ने गरेको खबर पनि बाहिरियो । त्यसको उनले खुलेरै प्रतिवाद गरे । आफुविरुद्ध निरन्तर गलत प्रचार भएको दाबीसहित उनले पटक पटक स्पष्टीकरण दिइरहे ।

२. सेयर तालिम र संसदमा सेयर लगानीकर्ताका नेता 
बर्ष २०७९ मा धेरैपछि सेयर तालिमका प्रसस्तै इभेन्टहरु भए । यसमा सेयर गुरु सुबास चन्द्र भट्टराई, शिव चन्द्र र हरि ढकालको भूमिका महत्वपूर्ण रह्यो । धेरैले फिजिकल क्लासमै तालिम लिन पाए । धेरैपछि जुरेको यस्तो संयोगमा लगानीकर्ताहरु उत्साहित भए । अझ सेयर लगानीकर्ताका नेता हरि ढकालको संसद प्रवेश झन् खास बन्यो बर्ष २०७९ मा । अहिले उनी पटक पटक संसदमा उभिएर सेयर बजारको चर्चा गरिरहेका हुन्छन् । यसले सेयर बजारका लगानीकर्ताहरुलाई थप उत्साह दिएको छ । धेरै लगानीकर्तालाई हाम्रा पनि नेता छन् भन्ने भान भएको छ ।

१. बजारको घटोत्तरी र नयाँ स्टक र ब्रोकर लाइसेन्सको लफडा
सेयर बजार निरन्तर घटिरहेको थियो । यहि बीचमा बिष्णु पौडेल अर्थमन्त्री भए । उनी अर्थमन्त्री भएपछि नेपालको सेयर बजारमा लगानीकर्ताहरुले थोरै भए पनि बजारप्रति विश्वास बढाए । सायद यहि कारण केहि समय बजार बढ्यो पनि । तर पौडेलको बहिर्गमनसँगै बजार फेरी घट्न थाल्यो । बर्ष २०७९ सालको उत्तरार्धले केहि आशा त दिएको छ तर बजार यसै हुन्छ भन्न सकिने अवस्था छैन ।

नेपालको सेयर बजारमा बर्ष २०७९ मा भएको र देखिएको सबैभन्दा ठुलो रमिता भनेको नयाँ स्टक एक्सचेन्ज र नयाँ ब्रोकर लाइसेन्सको लफडा । बोर्डले नयाँ स्टक एक्सचेन्ज ल्याउनुपर्छ र नयाँ ब्रोकरहरुलाई नयाँ लाइसेन्स दिन नीति ल्यायो । सोका लागि बोर्डले आवश्यक नीति परिमार्जनमासमेत काम गर्यो । तर यो प्रकरणमा ब्रोकरहरु पटक पटक, ठाउँठाउँमा खेले । कहिले राजनीतिक लवीङ गरेर नयाँ ब्रोकरको लाइसेन्स रोक्न खोजे त कहिले अदालतमार्फत यो काम रोक्न खोजियो । तर अन्तत: अदालतले पनि धितोपत्र बोर्डकै फैसला गरिदियो बर्ष २०७९ मै ।  र बोर्डलाई अव नयाँ स्टक एक्सचेन्ज र ब्रोकरका लाइसेन्सका लागि बाटो खुलेको छ ।

समग्रमा बर्ष २०७९ नेपाली सेयर बजारका लागि लगानीकर्ता भएर झुर र समग्र बजारलाई हेर्दा आशाका किरणहरु देखाउने खालको भयो । अन्यथा नभएमा अव २०८० मा नयाँ ब्रोकरको लाइसेन्स वितरण हुनेछ, नयाँ स्टक एक्सचेन्ज आउनेछ । अजोड इन्स्योरेन्स लगायतका केहि कम्पनीहरुको लुकेर बसेको फाइल फेरी झिकेर बोर्डले कारवाही चलाउनेछ, बजार अझै बलियो बन्नेछ । जनाकारहरुले पनि बर्ष २०७९ को अन्त्यसँगै बजारको बियरिस चक्र सकिएको विश्लेषण गरेका छन् । धेरैले नयाँ बर्ष २०८० लाई लगानी बर्षका रुपमा चित्रित गरेका छन् । सेयर अहिले सस्तोमा पाइएका बेला उचित कम्पनी छानेर लगानी गरे फाइदा हुने तर्क जानकारहरुको छ ।
https://www.youtube.com/watch?v=5Ccny0WoUGw