काठमाडौँ । निर्वाचनका बेला तीन दिन सार्वजनिक बिदा दिन सरकारलाई सिफारिस गरिएको छ । नीति अनुसन्धान प्रतिष्ठानले सरकारलाई निर्वाचनका बेला तीन दिन सार्वजनिक बिदा दिन सिफारिस गरेको हो । 

प्रतिष्ठानका कार्यकारी अध्यक्ष प्राध्यापक डा. लेखनाथ शर्मा नेतृत्वको समितिले गरेको अध्ययनले निर्वाचनका बेला तीन दिन सार्वजनिक बिदा दिन सिफारिस गरेको हो ।

निर्वाचनका बेला तीन दिन सार्वजनिक बिदा दिँदा मतदाताहरु आफ्नो नाम दर्ता भएकै निर्वाचन क्षेत्रमा गएर मतदान गर्न सक्ने अध्ययनमा उल्लेख छ । सोही कारण प्रतिष्ठानले निर्वाचनको अघिल्लो दिन र निर्वाचनको पछिल्लो दिन समेत सार्वजनिक दिनु उपयुक्त हुने सुझाव दिएको छ ।

त्यसका लागि सरकारले मन्त्रिपरिषद् बैठकबाट आवश्यक निर्णयमार्फत आवश्यक प्रबन्ध गरी सार्वजनिक बिदा दिने व्यवस्था गर्नुपर्नेछ । उक्त विषयमा सरकारमा छलफल चलिरहेको बताइएको छ ।