×

Live on

रेडियो अर्थ सरोकार

Listen to live radio.

laxmi sunrise bank

‘कामै नलाग्ने रहेछ यात्री बाइक !’, पूरानो फोटो भनेर कम्पनीले गरेको दाबी झुटो, फोटो सोमबारकै भएको प्रमाणित

काठमाडौं । सोमबार सामाजिक सञ्जालमा भाइरल भएको ‘यात्री’ बाइकको फोटो कम्पनीको दाबीआशय विपरित नयाँ नै भएको खुलासा भएको छ । बाइक भाँचिएको फोटो भाइरल भएपछि कम्पनीले सो फोटो पूरानो हो भन्ने शैलीको अभिव्यक्ति दिएको थियो । तर सो फोटो नयाँ नै भएको खुलासा भएको छ ।

आफुले उत्पादन गरेको बाइक भाँचिएको फोटो सार्वजनिक भएपछी कम्पनीले ‘परिस्थितिको सन्दर्भ बिना नै हाम्रो बाईकको केही तस्विरहरु इन्टरनेटमा प्रसार भइरहेका छन् । यो परीक्षणको लागि प्रयोग भएको मोटरसाइकल हो, ग्राहकले किनेको वा ग्राहकलाई बिक्रि गरिएको मोटरसाइकल होइन ।’ भन्दै स्पष्टीकरण दिएको थियो । सो बाइकको फोटो पूरानो हो भन्ने सिधै नभने पनि कम्पनीको आशय यस्तै थियो । यहि विवरणका समाचारहरु विभिन्न संचारमाध्यममा समेत सार्वजनिक भएका थिए । तर सो फोटो नयाँ नै भएको र यात्री बाइक बीचैमा भाँचिएको तथ्य सहि भएको खुलासा भएको हो ।

यसो त फोटो खिच्ने जयराम तिवारीले पनि उक्त फोटो सोमबार नै खिचेको दाबी गरेका थिए ।  उनले दुईजना बालाजु बाइसधारातिर हिँडिरहेका बेला बालाजु चोक कटिसकेपछि नयाँ बजारतिरबाट बालाजु चोक जानेतर्फ बाइक लम्पसार परेको र यात्री बाइक भन्ने थाहा पाएपछि फोटो खिचेको बताएका थिए । सोहि फोटो सामाजिक संजालमा भाईरल भएपछि कम्पनीले सो फोटो पूरानो हो भन्ने शैली र आशय व्यक्त गरेको थियो । तर तिवारीले खिचेको उक्त फोटोको मेटाडेटा जाँच गर्दा सो फोटो सोमबार दिउँसो ३ बजेर ८ मिनेट ४३ सेकेण्डमा काठमाडौंको बालाजु क्षेत्रमा नै खिचिएको पाइएको छ । तिवारीले आइफोन १४ प्रोबाट २२ मे २०२३ अर्थात सोमबार नै उक्त फोटो खिचेको पाइएको हो ।

गत बैशाख १० गते प्रधानमन्त्री पुष्पकमल दाहाल (प्रचण्ड)को निर्देशनमा नेपालमा नै उत्पादन भएका सवारी साधनको दर्तासम्बन्धि कानुनको तयारी गर्न र नेपाली उत्पादनलाई प्रोत्साहन गर्ने नीति अख्तियार गरी कानुन नै बनाएर यात्रीलाई नम्बर प्लेट दिएको थियो । बाइक बाँचिएको तथ्यसँगै कम्पनीले उत्पादन गरेको मोटरसाइकलको गुणस्तरमाथि प्रश्न उठेको छ । धेरैले बाइक बाँचिएको देखेपछि सो बाइक किन्ने योजना परिवर्तन गरेको बताईरहेका छन् । धेरैले त ‘कामै नलाग्ने रहेछ यात्री बाइक !’ भन्दै आक्रोश पोखिरहेका छन् ।

अपडेट

यता यो समाचार प्रकाशन भएपछि अर्थ सरोकारको सम्पर्कमा आएका यात्री मोटरसाइकल उत्पादन कम्पनीका संस्थापक असिम पाण्डेले फोटो नयाँ नै भएको र सो बाइक टेष्ट बाइक भएको दाबी गरेका छन्  । २०२३ मोडलको बाइक टेष्ट गर्दा भाँचिएर दुर्घटना भएको बताउँदै उनले सो बाइक बेचेर प्रयोगमा आएको बाइक नभई टेष्ट फेजमा रहेको बाइक भएको दाबी गरेका छन् । ‘यो कस्टमरले प्रयोग गरेको बाइक होइन । हामीले टेष्ट गरेको बाइक हो । फोटो नयाँ नै हो र घटना पनि सोमबारकै हो । टेष्टका क्रममा भएको यो दुर्घटनापछी हामीले यसलाई थप राम्रो बनाउन के गर्ने काम अघि बढाएका छौँ । अर्थ सरोकारसँग कुराकानी गर्दै उनले भने- ‘हामीले बेचेको बाइकमा कुनै पनि समस्या छैन । बेचिएको बाइकका चेसिसमा कुनै पनि समस्या आए त्यसमा लाइफ टाइम वारेन्टी हुने हुनाले त्यसको जिम्मेवारी कम्पनीले लिन्छ ।’ 

Hamro Parto AD
TRITON COLLEGE

प्रतिक्रिया दिनुहोस्

सिफारिस: