×

Live on

रेडियो अर्थ सरोकार

Listen to live radio.

सरकार विरुद्ध सेयर लगानीकर्ताको आन्दोलन चर्किने बुझेपछि साबिककै कर नीति लगाउनेगरी विभागमा पत्राचार गर्ने अर्थ मन्त्रालयको तयारी !

GLOBAL IME BANK

सरकार विरुद्ध सेयर लगानीकर्ताको आन्दोलन चर्किने बुझेपछि साबिककै कर नीति लगाउनेगरी विभागमा पत्राचार गर्ने अर्थ मन्त्रालयको तयारी !

१८ जेष्ठ २०८०, बिहीबार

पढ्न लाग्ने समय: १ मिनेटभन्दा कम

काठमाडौँ । ३९ प्रतिशतसम्म कर तिर्नुपर्ने गरी आएको व्यवस्था विरुद्ध सेयर लगानीकर्ताहरु आन्दोलनमा उत्रिएकोबारे अर्थमन्त्रीका सल्लाहकारहरुले अर्थमन्त्री डा। प्रकाशशरण महतलाई ुब्रिफिङु गरेका छन् । उनीहरुले सेयर लगानीकर्ताको आन्दोलन थप चर्किने देखिएको र आन्तरिक राजश्व विभागको विज्ञप्तिबाटसमेत उनीहरु सन्तुष्ट नरहेको भन्दै मन्त्री डा। महतलाई ुब्रिफिङु गरेका हुन् । सल्लाहकारको ब्रिफिङ सुनेपछि उनले आज बाटो हेर्ने र अवस्था सरकारकै चर्को विरोध हुनेगरी आएमा आन्तरिक राजश्व विभागलाई पत्र लेखेर साबिककै करका दर कायम गर्नेगरी अघि बढ्न र सोहि अनुसारको स्पष्ट व्यवस्था सार्वजनिक गर्न अनुरोध गर्ने निर्णय लिएको बुझिएको छ ।

‘हामीले अर्थमन्त्रीलाई सेयर लगानीकर्ताको आन्दोलनबारे सबै ब्रिफिङ गरिसकेका छौं । उहाँले आन्दोलन चर्किने अवस्था भयो भने आन्तरिक राजश्व विभागलाई पत्र लेखेर पूरानै व्यवस्था कायम गर्न लगाउने कुरा गर्नुभएको छ ।’ अर्थ सरोकारसँग कुराकानी गर्दै स्रोतले भन्यो-‘अव सेयर लगानीकर्ताको आन्दोलनले चर्को रुप लियो भने अहिलेको नयाँ व्यवस्थाबाट पछि हट्ने, तर आन्दोलन मथ्थर भयो भने पेलेरै जानेगरी छलफल भएको छ ।’

२०७५ सालमा पनि यसरी सेयर लगानीकर्तालाई मार पर्नेगरी आएको व्यवस्था पछि लगानीकर्ताको आन्दोलन चर्किएपछि फिर्ता भएको थियो । बिहीबार सेयर लगानीकर्ताहरुले सरकारले ल्याएको नयाँ व्यवस्थाको विरोध गर्दै विभिन्न ब्रोकरहरुमा टिएमएस बन्द गराउने, ताला लगाउनेजस्ता काम गरेका छन् । साबिकको व्यवस्थामा ५ देखि ७.५ प्रतिशतसम्म लाभकर लगाईदै आएको थियो । अहिले सो करलाई अन्तिम कर नमानी ५० लाख रुपैयाँ भन्दा माथि नाफा भएको खण्डमा ३९ प्रतिशतसम्म कर लगाउनेगरी व्यवस्था आएको छ । र,यहि व्यवस्थाविरुद्ध सेयर लगानीकर्ताहरुले चरणबद्ध आन्दोलनको घोषणासमेत गरेका छन् । जसअनुरुप माइतीघरमा धर्नादेखि अर्थमन्त्रीको घर घेर्ने कार्यक्रमसमेत रहेको सेयर लगानीकर्ताका नेता तिलक कोइरालाले बताएका छन् ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: