काठमाडौं । सानिमा बैंकले ग्राहकहरुका लागि सानिमा ५ इन १ सेवा सार्वजनिक गरेको छ । सानिमा ५ इन १ सेवा सानिमा ३ इन १ खाताको परिष्कृत गरिएको खाताको नयाँ स्वरुप हो ।
उक्त सेवामा बचत खाता, डिम्याट खाता, सेयर ट्रेडिङ खाता, सि आस्वा र मेरो से यरको संयोजन रहेको छ । सानिमा बैंकले सानिमा क्यापिटलसँगको सहकार्यमा यो सेवा प्रदान गरेको हो । यस सेवाले बैंकको वेवसाइटमा उपलब्ध अनलाइन प्लेटफर्म मार्फत डिम्याट खाता, सेयर ट्रेडिङ खाता, सि आस्वा, मेरो सेयर र दोस्रो बजारबाट सेयर खरिद तथा बिक्री गर्न बैंकका नयाँ तथा पुराना ग्राहकहरूलाई सहज बनाएको बैंकले जनाएको छ ।
बैंकले ग्राहकहरूलाई सहज र सरल रुपमा डिजिटल सेयर ट्रेडिग प्लेटफर्म उपलब्ध गराउने उद्देश्यले यो पहल गरेको जनाएको छ ।
हाल सानिमा बैंकको सातै प्रदेशमा १३२ वटा कार्यालयहरु र १२२ वटा एटिएम संजालहरु रहेका छन् ।
