काठमाडौं । सेतीखोला हाइड्रोपावर लिमिटेडले आइपीओ निष्काशन गर्ने भएको छ । हाइड्रोपावरले प्रति सेयर १०० रुपैयाँको दरले ६० लाख कित्ता सेयर आयोजना प्रभावित स्थानीय बासीन्दाहरु तथा सर्वसाधारणहरुमा निष्काशन गर्ने भएको हो ।

कम्पनीले सेयर निष्काशन गर्नको लागि कुमारी क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको छ । उक्त सम्झौतापत्रमा सेतीखोला हाइड्रोपावर लिमिटेडका तर्फबाट सञ्चालक समितीका अध्यक्ष अनुप आचार्य तथा कुमारी क्यापिटलका तर्फबाट प्रमुख कार्यकारी अधिकृत पुष्प शर्माले हस्ताक्षर गरेका हुन् ।

सेतीखोला हाइड्रोपावर लिमिटेडको अधिकृत पूँजी एक अर्ब ५० करोड रूपैयाँ, जारी पूँजी एक अर्ब ५० करोड रूपैयाँ, र चुक्ता पूँजी ८८ करोड ४६ लाख ४५ हजार रूपैयाँ रहेको छ ।