काठमाडौं । सूर्योदय वोमी लघुवित्त वित्तीय संस्था लिमिटेडले प्रति कित्ता १०० रुपैयाँको दरले ४६ लाख ७२ हजार ९ सय ५४ रुपैयाँ ५० पैसा बराबरको ४६ हजार ७ सय २९.५४५ कित्ता थप सार्वजनिक निष्कासन (एफपीओ) सर्वसाधारणहरुमा निष्कासन गर्ने भएको छ ।

लघुवित्तले सेयर निष्काशन गर्न कुमारी क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको छ । उक्त सम्झौतापत्रमा सूर्योदय वोमी लघुवित्त वित्तीय संस्था लिमिटेडका तर्फबाट प्रमुख कार्यकारी अधिकृत मोक्ष प्रसाद पंगेनी तथा कुमारी क्यापिटलका तर्फबाट प्रमुख कार्यकारी अधिकृत पुष्प शर्माले हस्ताक्षर गरेका छन् ।

त्यस्तै, लघुवित्तको अधिकृत पूँजी एक अर्ब, जारी पूँजी ९१ करोड ५४ लाख ५५ हजार ४ सय ६३ र चुक्ता पूँजी ९१ करोड ०७ लाख ८२ हजार ५ सय ८ रुपैयाँ ५० पैसा रहेको छ । उक्त वित्तिय संस्थामा १लाख ७१ हजार भन्दा बढी सदस्यहरु लाई सेवा दिँदै आईरहेको छ र १ सय ९२ वटा शाखा कार्यलयहरुबाट आफ्नो सेवा प्रदान गरिरहेको जनाएको छ ।