काठमाडौं । ईसेवा मनि ट्रान्सफरका प्रमुख कार्यकारी अधिकृत (सीईओ) अजेस कोइरालाले ‘बिजनेस एक्सिलेन्स सर्टिफिकेट’ प्राप्त गरेका छन् । ‘वर्ल्ड कन्फेडेरेसन अफ बिजनेस’, ह्युस्टन, टेक्सस, अमेरिकाले कोइरालालाई ‘बिजनेस एक्सिलेन्स सर्टिफिकेट’ प्रदान गरेको हो ।
रेमिट्यान्स उद्योगमा २० वर्षभन्दा बढी समर्पित सेवाका साथ कोइराला असल नेतृत्वको उत्कृष्ट नमुना पनि बनेका छन् । ‘म्यानेजमेन्ट एसोसिएसन अफ नेपाल’ अवार्ड-२०२२ मा ‘म्यानेजर अफ द इयर’ बाट पनि उनी सम्मानित भएका थिए ।
त्यस्तै, ‘वर्ल्ड कन्फेडेरेसन अफ बिजनेस’ ले विश्वभरका विभिन्न संस्थाहरूको व्यावसायिक उत्कृष्टतालाई द बिज अवार्ड, सबैभन्दा महत्त्वपूर्ण अन्तर्राष्ट्रिय व्यापार पुरस्कार प्रदान गरेको थियो ।
वर्ल्ड कन्फेडेरेसन अफ बिजनेसको मिशन विश्वव्यापी रूपमा व्यापार विकासलाई प्रवर्द्धन, वृद्धिलाई सहजीकरण र अग्रणी कम्पनीहरू र उद्यमीहरूको सफलतालाई मान्यता दिई, उनीहरुले प्रदान गर्ने सेवालाई विश्वभर चिनाउने एक मध्यम हो ।
