काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक घटेको छ । सोमबारको तुलनामा नेप्से परिसूचक ३१.८० अंकले घटेर २०४५.४४ बिन्दुमा पुगेको हो ।

मंगलबार नेप्सेमा कुल २७८ कम्पनीको ५६ लाख ३ हजार १ सय ७९ कित्ता सेयर खरिद बिक्री हुँदा २ अर्व १५ करोडमाथिको सेयर कारोबार भएको छ । आज सबैभन्दा बढी कारोबार हिमालयन डिष्टिलरी लिमिटेडको भएको छ । यस कम्पनीको २० करोड ५५ लाख ९४ हजार ३२ रुपैयाँ ५० पैसा बराबरको सेयर कारोबार भएको छ ।

यस्तै मंगलबारको सेयर बजारमा इमर्जिङ्ग नेपाल लिमिटेडका लगानीकर्ताहरु मालामाल भएका छन् । यस कम्पनीको सेयर मूल्य ५ प्रतिशत भन्दा धेरैले बढेको हो । यस अलवा ८.५% नेपाल बैंक डेबेञ्चर २०८७, सिक्लेस हाइड्रोपावर, एनआइबिएल ग्रोथ फण्ड, एनआइबिएल समृद्धि फण्ड-२ र सेन्चुरी डेबेञ्चर २०८८ का लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच मंगलबारको सेयर बजारमा सबैभन्दा बढी कारोबार हिमालयन डिष्टिलरी लिमिटेडको प्रमोटर सेयरको भएको छ । यस कम्पनीको २० करोड ५५ लाख ९४ हजार ३२ रुपैयाँ ५० पैसा बराबरको सेयर कारोबार भएको छ । यस अलावा शिवम् सिमेन्ट, सोल्टी होटल, आइएमई लाइफ इन्स्योरेन्स, एभरेस्ट बैंक र हिमालयन लाइफ इन्स्योरेन्सको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः

यस्तै मंगलबारको सेयर बजारमा हिमालयन डिष्टिलरीका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ७ प्रतिशत भन्दा धेरैले घटेको हो । हिमालयन डिष्टिलरीमा यस्तो गिरावट आउँदा थ्री स्टार हाइड्रोपावर, मोलुङ हाइड्रोपावर कम्पनी , इन्फिनिटी लघुवित्त वित्तिय संस्था र बुद्ध भुमि नेपाल हाइड्रोपावरमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः