काठमाडौं । सेयरप्रो सेक्यूरिटीज प्रा.लि. ले साउन २३ गते बाट लागु हुने गरी प्रथम ३६५ जना नयाँ ग्राहकहरुलाई डिम्याट खाता तथा मेरो सेयर सदस्यातामा शतप्रतिशत छुटको अफर ल्याएको छ ।
उक्त छुट योजना अन्तर्गत पहिलो ३६५ जना ग्राहकले निःशुल्क डिम्याट खाता तथा मेरो सेयर सदस्यता लिई कारोबार गर्न सक्नेछन् । धितोपत्र बजारमा रुची राख्ने जो कोही व्यक्तिले यो योजनामा सहभागी भई लाभ लिन सक्ने विश्वास कम्पनीले लिएको छ ।
सेयरप्रो सेक्यूरिटीज गत जेठ ९ गते धितोपत्र बोर्डबाट अनुमतिपत्र प्राप्त गरी गत असार २८ बाट धितोपत्र दलाली र निक्षेप सदस्यको सेवा प्रदान गर्दै आइरहेको छ ।
