काठमाडौं । आईक्यापिटल प्रालिले स्थापनाको १०औँ वर्ष पुरा गरेको छ । आईक्यापिटलको स्थापना व्यक्तिगत लगानीबाट संस्थागत लगानीमा रुपान्तरण हुने र पूर्ण रुपमा ‘भ्याल्यू इन्भेष्टिङ’को सिद्धान्तमा प्रतिबद्ध हुने उद्देश्यले सन् २०१३ मा खोलीएको हो ।

उक्त कम्पनीको लगानी भेन्चर, रियल इस्टेट र सेयर बजार गरी मुख्य ३ सम्पति वर्गहरुमा केन्द्रित रहेको छ । आईक्यापिटलको स्थापना यता १० वर्षको अवधिमा यस कम्पनीले २४ वटा कम्पनीमा लगानी गरेको छ । साथै, कम्पनी व्यवस्थापनमा २ अर्ब २५ करोड रुपैयाँको सम्पति रहेको छ भने १० वर्षको कम्पाउण्ड वार्षिक वृद्धिदर (सीएजीआर) १६ % रहेको छ ।

त्यस्तै, विगतका वर्षहरुमा जस्तै आईक्यापिटलले आफ्नो १०औं वार्षिकोत्सव परोपकारी काम गरेर मनाएको छ । वार्षिकोत्सवको अवसरमा कम्पनीले आईक्यापिटल फाउण्डेसन मार्फत त्रिनेत्र फाण्डेसनका १० जना दृष्टिविहीन विद्यार्थीहरुलाई १ वर्षको छात्रवृत्ति प्रदान गरेको छ ।

साथै, सन् २००९ मा स्थापना भएको त्रिनेत्र फाउन्डेसनले दृष्टिविहीन, अनाथ र शारीरिक रुपमा अपाङ्गता भएका व्यक्तिहरुकालागि छात्रावास र आर्थिक अभाव भोगिरहेका बालबालिकाहरुका लागि पठनपाठनमा सहयोग प्रदानगर्दै आएको छ ।