काठमाडौं । मुक्तिनाथ क्यापिटल लिमिटेडले शाखा विस्तारको क्रममा चिप्लेढुङ्गा, पोखरामा नयाँ शाखा सञ्चालनमा ल्याएको छ । सो शाखाको उद्धघाटन मुक्तिनाथ विकास बैंकका उपभोक्ता बैंकिङ प्रमुख, बाबुराम ढकाल र मुक्तिनाथ विकास बैंकका संस्थापक शेयरधनी नविन ढकालले संयुक्त रुपमा गरेका थिए ।
उद्धघाटन समारोहमा गण्डकी प्रदेश प्रमुख रिसीराम ढकाल, सहायक प्रदेश प्रमुख शंकर के.सी तथा मुक्तिनाथ विकास बैंकका विभिन्न शाखा प्रबन्धकहरुका साथै बैंकका अन्य कर्मचारी तथा लगाानीकर्ताहरुको उपस्थिति रहेको थियो ।
उक्त शाखाको संचालनसंगै चिप्लेढुङ्गा, पोखरामा आउने ग्राहकहरुको लागि आजीवन डिम्याट खाता तथा मेरो सेयर खाता नवीकरणमा २५ प्रतिशत छुट र लगानी व्यवस्थापन सेवाको वार्षिक शुल्कमा पनि ५० प्रतिशतसम्म छुटको व्यवस्था गरीएको क्यापिटलले जनाएको छ । सो योजना क्यापिटलको नयाँ शाखा, चिप्लेढुङ्गाका ग्राहकवर्गहरुको लागि सिमित अवधिको लागि मात्र रहने जनाईएको छ ।
