काठमाडौँ । फेडेरल रिईन्स्योरेन्स लिमिटेडको दोस्रो वार्षिक साधारण सभा सम्पन्न भएको छ । नेपालकै पहिलोे पव्लिक लिमिटेड कम्पनी फेडेरल रिईन्स्योरेन्स ब्रोकर्स लिमिटेडको मिति २०८० साल आश्विन २५ गते कम्पनीको रजिष्र्टड कार्यालय नक्साल ०१ काठमाण्डौं, नेपालमा दोस्रो बार्षिक साधारण सभा सम्पन्न भएको हो ।
उक्त साधारण सभामा संस्थापक समुहबाट रिक्त सञ्चालक पदमा बिराटनगर१२ मोरङ निवासी नमित शर्मालाई बाँकी कार्यकालका लागि नियुक्त गरेको छ । साथै, सामान्य प्रस्ताव तर्फ सञ्चालक समितिको तर्फबाट अध्यक्षकोे वार्षिक प्रतिवेदन २०७९-८०को वासलात, नाफा नोक्सान हिसाब र नगद प्रवाहको विवरण आर्थिक वर्ष २०८०-८१ का लागि लेखा परीक्षक नियुक्त हुने प्रस्ताव पारित गरेको हो ।
त्यस्तै, विशेष प्रस्ताव तर्फ सर्वसाधारणलाई शेयर निष्काशन, कम्पनी गाभ्ने वा गाभिन, विदेशी साझेदार वा लगानीकर्ता भित्राउन तथा कम्पनीको प्रबन्धपत्र तथा नियमावलीमा गरिएका आवश्यक संशोधनका लागि सञ्चालक समितिलाई अख्तियारी प्रदान गरेको छ । उक्त समारोहमा संस्थालाई योगदान पु¥यााउने संस्था, व्यक्ति तथा कर्मचारीहरुलाई सम्मान प्रदान समेत गरेको छन् ।
फेडेरल विश्वकै प्रतिष्ठीत इउनाइटेड रजिस्टार अफ सिस्टम इउनाइटेड किङडम बाट आईओएस ९००१:२०१५ गुणस्तर प्राप्त गर्ने नेपालको पहिलो र एक मात्र पुनर्बीमा दलाल कम्पनी हो । सो गुणस्तर चिन्हले समेत संस्थाको आन्तरिक प्रणाली, संस्थागत सुशासन, सेवाको गुणस्तर आदिमजवुत रहेको पुष्ठी गर्दछ ।
