काठमाडौँ । गरिमा विकास बैंकले नयाँ योजना सार्वजनीक गरेको छ । नेपालीहरुको महान पर्व दशैंलाई लक्षित गर्दै उक्त बैंकले आफ्ना ग्राहकहरुका लागि सामान खरिदमा विकास बैंकको डेबिट क्रेडिट कार्डबाट भुक्तानी गर्दा २० प्रतिशत नगद फिर्ता योजना सार्वजनिक गरेको हो ।
सो योजना अन्तर्गत बैंकको डेबिट क्रेडिट कार्ड प्रयोगकर्ताहरुले विकास बैंकको एउटा कार्डबाट अधिकतम २ सयसम्म नगद फिर्ता पाउन सक्ने जानकारी बैंकले दिएको छ । साथै, नगद रहित कारोबारलाई प्रोत्साहन एवं प्रवद्र्धन हेतु सार्वजनिक गरेको सो योजनाको अवधि २०८० असोज २८ गते देखि २०८० कार्तिक ७ गतेसम्म रहेको छ ।
गरिमा विकास बैंकले आफ्ना ग्राहकहरुका लागि दशैें किनमेललाई थप सहजीकरण गर्दै क्रेडिट कार्डमा किस्ता बन्दीको सुरुवात गरिसकेको हो । हाल, गरिमा विकास बैंकले देशभर १ सय २२ शाखा कार्यालय तथा ५० एटिएम एवं विभिन्न डिजिटल बैकिङ मार्फत सरल, सुरक्षित एवं गुणस्तरीय सेवा प्रवाह गर्दै आईरहेको छ ।
