काठमाडौँ । पेवेल नेपालप्रालि र ‘जेएलओएन द बिउटीबार’ बीच सम्झौता भएको छ । पेवेल नेपाल प्राइभेट लिमिटेडले एससिटि कोलाबे्रट बैंक तथा वालेटका ग्राहकहरुलाई छुट प्रदान गर्नका लागि जेएलओएन द बिउटी बारसँग सम्झौता गरेको हो ।
सो कम्पनीका अनुसार, ‘अप्रिल २०२२ मा स्थापित भएको ‘जेएलओएन द बिउटी बार’ हाल कुमारीपाटी, ललितपुरमा अवस्थित छ, जसले सबै सैलुन सम्बन्धित सेवाहरू प्रदान गर्दछ।’ उक्त सम्झौता अनुसार ग्राहकले सैलुनसँग सम्बन्धित कुनै पनि सेवामा मानव घोषित शुल्कमा १ सय ५५ छुट सर्त लागू पाउनेछन् ।
त्यस्तै, ग्राहकहरूले पेवेल नेपालद्वारा सञ्चालीत जेएलओएन मर्चेन्ट किउआर मार्फत बिलको रकम भुक्तान गरेर उक्त छुटको लाभ लिन सक्ने कम्पनीले जानकारी दिएको छ । पेवेल नेपाल प्राइभेट लिमिटेड नेपाल राष्ट्र बैंकबाट इजाजतपत्र प्राप्त पियस्पि भुक्तानी सेवा प्रदायक एक उदीयमान फिनटेक कम्पनी हो ।
उक्त कम्पनीले सन् २०१८ बाट आफ्नो सञ्चालन सुरु गरेको थियो । साथै, ४ लाख भन्दा बढी ग्राहक आधार तथा ५ हजार भन्दा बढी हाम्रो एजेन्ट आधारमा पुग्न पाउँदा कम्पनीले गर्व महशुस गरेको जानकारी दिएको छ ।
