काठमाडौँ । नेपाल लाइफ इन्सुरेन्स्ले ‘तिमी यो दशैंमा के गर्छौ ?’ नामक टिकटक प्रतिस्पर्धाको आयोजना गरेको छ । उक्त कम्पनीले बडा दशैंलाई लक्षित गर्दै नेपालीको उत्साहमा उमङ्ग थप्न टिकटक प्रतिस्पर्धाको आयोजना गरेको हो ।
‘तिमी यो दशैंमा के गर्छौ ?’ नामक टिकटकको जिङ्गलमा सहभागी भई प्रतिस्पर्धीहरुले आ-आफ्नो रचना प्रस्तुत गर्नुपर्ने कम्पनीले जानकारी दिएको छ । साथै, हरेक रचना तथा आउने लाइक, भ्युज र कमेन्टको आधारमा उत्कृष्ट ३ प्रतिस्पर्धीहरु छनौट गरि प्रथम, द्वितिय र तृतीय श्रेणीमा वर्गीकरण गरेर विजेता घोषणा गर्ने कम्पनीले बताएको छ ।
त्यस्तै, प्रथम हुनेलाई नगद ३० हजार रुपैयाँ, द्वितियलाई २० हजार रुपैयाँ र तृतीयलाई १० हजार रुपैयाँ पुरस्कार प्रदान गर्ने कम्पनीले जनाएको छ । उक्त टिकटक प्रतिस्पर्धामा देशभरबाट इच्छुक सबैले मिति २०८० कार्तिक १ गतेदेखि १५ गतेसम्म सहभागी हुन सक्नेछन् ।
दशैंले ल्याएको उत्साहसँगै नेपाल लाइफइन्स्योरेन्स कम्पनीले ल्याएको उक्त मनोरञ्जनात्मक कार्यक्रममा उल्लेख्य सहभागिताको अपेक्षा कम्पनीले गरेको छ । साथै, कम्पनीका प्रमुख कार्यकारी अधिकृत प्रविण रमण पराजुलीले बडा दशैं २०८०को पावन अवसरमा आयोजित प्रतियोगितामा सहभागी हुन आग्रह गरेका छन् ।
त्यस्तै, कम्पनीले आगामी दिनमासमेत यस्ता कार्यक्रमहरु आयोजना गर्ने कुरा बताएको छ ।
