काठमाडौँ । दशैंंको अवसरमा सानिमा बैंकले ग्राहकहरुकालागि दराजसँग सहकार्य गर्दै विशेष छुटको व्यवस्था गरेको छ । नेपालीहरुको महान चाड वडा दशैंंको अवसरमा सानिमा बैंकले ग्राहकहरुकालागि “दशैं धमाका”को योजना गरेको हो ।
उक्त योजना अवधिभर दराजबाट सामान खरिद गर्दा ग्राहकहरुले सानिमा बैंकको डेबिट तथा क्रेडिट कार्डबाट भुक्तानी गर्दा ग्राहकहरुले विशेष छुट प्राप्त गर्न सक्नेछन् । ग्राहकहरुले डेबिट कार्डबाट भुक्तानी गर्दा १५% वा अधिकतम् रु १५ सय सम्मको छुट तथा क्रेडिट कार्डबाट भुक्तानी गर्दा २०% वा अधिकतम् रु दुई हजार सम्मको छुट प्राप्त गर्न सक्ने बैंकले जानकारी दिएको छ ।
सो योजना अवधिभर सहभागी हुने ग्राहकहरुलाई “पहिलोलाई प्राथमिकता”को आधारमा छुट प्रदान गर्ने व्यवस्था रहेको छ । साथै, छुटका लागि ग्राहकहरूले दराजबाट बैंक भौचर सङ्कलन गर्नुपर्नेछ । त्यसैगरी क्रेडिट कार्ड प्रयोगकर्ताहरुले मासिक किस्ताबन्दी (ई एम आइ ) सुविधासमेत प्राप्त गर्न सक्नेछन् ।
उक्त योजना २०८० आश्विन १७ देखि २०८० आश्विन ३० गते १४ दिन सम्मका लागि लागू हुने बैंकले जानकारी दिएको छ । सानिमा बैंकको देशका सातै प्रदेशमा १३२ वटा कार्यालय तथा १२३ वटा ए.टि.एम. संचालनमा रहेका छन् । साथै, सानिमा बैंकको डेबिट- क्रेडिट कार्ड तथा मोबाइल बैंकिङ एप प्रयोग गर्दा विभिन्न अस्पताल, सपिङ्ग आउटलेट, होटेल, रेष्टुरेन्ट आदिमा विशेष छुटको व्यवस्था रहेको बैंकले जानकारी दिएको छ ।
