काठमाडौँ । अछाम घटनामा संलग्न फरार महिला पक्राउ परेकी छिन् । जिल्ला अछाम पञ्चदेवल बिनायक नगरपालीका वडा नं ८ घर भएकी ३० वर्षिय लक्ष्मी सुनारसमेतले दिपेन्द्र ब.शाहीको हत्या गरेर फरार रहेको आरोपमा प्रहरीले पक्राउ गरेको हो ।
मिति २०८०-७-१७ गते बिहान ६ बजेको समयमा १८ वर्षिय शाहीको हत्या गरेर लक्ष्मी फरार रहेकी थिईन । उनलाई २०८०-०७-२२ गते काठमाण्डौं उपत्यका अपराध अनुसन्धान कार्यालयबाट खटीएका प्रहरी टोलिले काठमाडौँ महानगरपालीका १६ माछापोखरीबाट पक्राउ गरेका छन् ।
उक्त, घटनामा संलग्न महिलाको थप अनुसन्धान तथा कानूनी कारवाहीको लागी जिल्ला प्रहरी कार्यालय अछाम पठाएको अपराध अनुसन्धान कार्यालले जानकारी दिएको छ ।
