काठमाडौं ।  डिशहोमले ‘हरेक हप्ता सुपरस्टार सिजनकै मेगास्टार’ अभियानको विजेतालाई पुरस्कार रकम हस्तान्तरण गरेको छ । उक्त योजना अन्तर्गत वेलचौतारा, शुक्ला गण्डकीका टार्जन गुरुङले नगद रु. एक लाख रुपैयाँ जितेका छन् ।

डिशहोमले एक कार्यक्रमको आयोजना गरी गुरुङलाई पुरस्कार रकम हस्तान्तरण गरेको हो । २०८० कार्तिक ३ गतेको लक्की ड्रबाट गुरुङले एक लाख जित्न सफल भएका थिए ।

कम्पनीले दशैं तिहारलाई लक्षित गर्दै ‘हरेक हप्ता सुपरस्टार सिजनकै मेगास्टार’ योजना सार्वजनिक गरेको हो । सो योजना अनतर्गत  डिशहोमको नयाँ जडान अथवा रिचार्जमा ग्राहकहरुले हरेक हप्ता लक्की ड्र मार्फत नगद रु एक लाख प्राप्त गर्न, मिडिया कभरेज प्राप्त गर्न र सेलिब्रेटी झैँ जीवनशैली अनुभव गर्न सक्नेछन् ।

त्यस्तै यस अभियानका बम्पर विजयी ग्राहकले सिजनकै मेगास्टार बन्ने मौका प्राप्त गर्नेछन् जसमा नगद रु दश लाख, मिडियामा प्रसिद्धी र सेलिब्रेटी झैँ जीवनशैलीको अनुभव पनि गर्न पाउनेछन् । अभियानमा सहभागी हुनका लागि ग्राहकहरुले डिशहोमको नयाँ कनेक्सन वा डिशहोम रिचार्ज गर्नुपर्ने कम्पनीले जनाएको छ ।

सुपरस्टारको छनोट हरेक हप्ताको सोमबार डिशहोमको शोकेश, सरोकार टिभी, रमाइलो टिभी, डिशहोमको आधिकारीक फेसबुक पेज र ईमेज टिभीमा साँझ पाँच बजे प्रत्यक्ष प्रसारण हुनेछ ।