काठमाडौँ । स्वास्थ्य बीमा बोर्डको अध्यक्षमा डा.गुणराज लोहनी नियुक्त भएका छन् । बुधबार बसेको मन्त्रिपरिषद्को बैठकले लोहनीलाई चार वर्षका लागि बोर्डको अध्यक्षमा नियुक्त गरेको हो ।
लोहनी अवकाश प्राप्त चिकित्सक हुन् । उनकै पहलमा २०७२ साल चैत २५ मा स्वास्थ्य बीमा कार्यक्रम सुरुवात भएको थियो । उक्त समयमा उनी बोर्डको कार्यकारी निर्देशक रहेका थिए ।
यस्तै, स्वास्थ्य बीमा बोर्डको अध्यक्षबाट गत माघ २४ गते डा सेनेन्द्रराज उप्रेतीले राजीनामा दिएपछि उक्त पद रिक्त भएको थियो । मन्त्रिपरिषद् बैठकले रिक्त भएको सो पदमा लोहनीलाई नियुक्त गरेको हो ।
