काठमाडौँ । कामना सेवा बैंकले नि:शुल्क स्वास्थ्य शिविर र ‘वाकथन’ कार्यक्रम सम्पन्न गरेको छ । उक्त, बैंकले आफ्नो स्थापनाको १६औं वर्ष पार गरि १७औं वर्षमा प्रवेश गर्ने शुभ अवसरमा सामाजिक उत्तरदायित्व कार्यक्रम सम्पन्न गरेको हो ।

बैंकले चितवनको अमृत चोकमा नि:शुल्क स्वास्थ्य शिविर सम्पन्न गरेको छ । साथै, मनकामना अस्पताल, भरतपुरको प्राविधिक सहयोगमा आयोजित उक्त कार्यक्रममा १ सय ८५ जना व्यक्तिहरुले स्वास्थ्य परिक्षण गरेका छन् । अस्पतालका वरिष्ठ फिजिसियन उत्सव अधिकारीसमेतको स्वास्थ्य टोलीले उक्त कार्यक्रममा स्वास्थ्य परिक्षण गरेको बैंकले जानकारी दिएको छ ।त्यस्तै, बैंकको वार्षिकोत्सवका कार्यक्रमहरु अन्तर्गत बैंकको केन्द्रीय कार्यालयमा कर्मचारीहरुको ‘वाकथन’ कार्यक्रम सम्पन्न गरेको छ । उक्त, ‘वाकथन’ कार्यक्रम बैंकको केन्द्रीय कार्यालय ज्ञानेश्वरदेखि मैतीदेवी मन्दीर, डिल्लीबजार, पुतलीसडक, हात्तीसार, नक्साल, नारायणचौर, नक्साल भगवती मन्दीर हुँदै पुन:बैंकको केन्द्रीय कार्यालयसम्म भएको थियो ।

सो कार्यक्रममा बैंकका उच्च व्यवस्थापन, विभागिय प्रमुखहरु, शाखा प्रबन्धकहरु तथा अन्य कर्मचारीहरुको वाक्लो उपस्थिती रहेको थियो । बैंकले आफ्नो स्थापनाको १७औं वार्षिकोत्सवको अवसरमा विभिन्न १७ वटा कार्यक्रम सहित सप्ताहव्यापी रुपमा कार्यक्रमहरु गर्ने भएको छ ।

कामना विकास बैंकले गत शुक्रवार देखि विभिन्न कार्यक्रमहरुको आयोजना गरिरहेको छ । साथै, बैंकले आगामी बिहिवारसम्म विभिन्न कार्यक्रमहरु गर्ने जानकारी दिएको छ ।