काठमाडौँ । कुमारी बैंकले संस्थापक सेयर विक्रीमा ल्याएको छ । बैंकले ९१ हजार ६ सय ३८ कित्ता संस्थापक सेयर विक्रीमा ल्याएको हो ।
कम्पनीले लिला बहादुर गुरुङको नाममा रहेको संस्थापक सेयर विक्रीमा ल्याएको छ । उक्त सेयर विद्यमान संस्थापक सेयरधनीहरूलेमात्र खरीद गर्न पाउने गरी विक्रीमा ल्याएको हो । सेयर खरीद गर्न ईच्छुक संस्थापक सेयरधनीहरूले आगामी ३५ दिनभित्र आवेदन पेश गर्न सक्नेछन् ।
यस्तै, आवेदन सेयर रजिष्ट्रार कुमारी क्यापिटलको कार्यालय नागपोखरी नक्साल काठमाडौं वा बैंकको केन्द्रिय कार्यालय टंगाल काठमाडौंमा पेश गर्नुपर्नेछ । सेयर खरीद गर्न ईच्छुक विद्यमान संस्थापक सेयरधनीहरूले तोकेको अवधिभित्र आवेदन पेश नगरेमा अन्य व्यक्ति तथा संस्थाहरूमा सेयर विक्री हुने कम्पनीले जनाएको छ ।
