काठमाडौँ । माछापुच्छ्रे बैंकका नवनियुक्त अध्यक्ष रोशन केसीले शपथ ग्रहण गरेका छन् । उनले नेपाल राष्ट्र बैंकका गभर्नर महाप्रसाद अधिकारी समक्ष पद तथा गोपनियताको सपथ ग्रहण गरेका हुन् ।
कम्पनीको गत मंसिर ७ गते बिहीबार बसेको सञ्चालक समितिको बैंठकले उनलाई सञ्चालक समितिको अध्यक्षमा नियुक्त गर्ने निर्णय गरेको थियो । सपथ ग्रहण कार्यक्रममा नेपाल राष्ट्र बैंकका डेपुटि गभर्नर, कार्यकारी निर्देशकहरु तथा अन्य पदाधिकारीहरुको उपस्थिति रहेको थियो ।
यस्तै, शपथ ग्रहण कार्यक्रममा माछापुच्छ्रे बैंक सञ्चालक समितिका सदस्य तथा प्रमुख कार्यकारी अधिकृत लगायतको उपस्थिति रहेको थियो । नवनियुक्त अध्यक्ष एक सफल युवा व्यवसायीको रुपमा स्थापित भई हाइड्रो, कन्स्ट्रक्सन, बैंक तथा वित्तीय संस्था एवं अन्य क्षेत्रहरुमा पनि आवद्ध रहँदै आएका छन् ।
