काठमाडौं । नेपाल एसबिआई मर्चेन्ट बैंकिङको ८औँ वार्षिक साधारण सभा सम्पन्न भएको छ । कम्पनीको सभा नेपाल एसबिआई बैंकको प्रधान कार्यालय कमलादी काठमाडौंमा सम्पन्न भएको हो ।

सो सभाले कम्पनीको आर्थिक वर्ष २०७९-८० को संचालक समितिको प्रतिवेदन, वार्षिक आर्थिक विवरण, आषाढ मसान्त २०८० को वासलात, आर्थिक वर्ष २०७९-८० को नाफा नोक्सान हिसाब लगायत वार्षिक आर्थिक विवरणसँग सम्बन्धित अनुसूचीहरुसमेत पारित गरेको छ ।

वार्षिक साधारण सभाले कम्पनीमा रिक्त रहेको स्वतन्त्र संचालक पदमा नन्दन हरि शर्मालाई ४ वर्षका लागि नियुक्त गरेको जनाएको छ ।

त्यस्तै, साधारणसभाले आर्थिक वर्ष २०८०-८१ को कम्पनीको लेखापरीक्षण गर्नका लागि एपि एण्ड एशोसियट्स चाटर्ड एकाउण्टेन्ट्लाई लेखापरीक्षकमा नियुक्ती एवं निजको पारिश्रमिक अनुमोदन गरेको छ ।