">
काठमाडौँ । नेपाल वेयरहाउजिङ कम्पनीले निष्कासन गरेको साधारण सेयर (आईपीओ) मा आवेदन दिने बुधबार अन्तिम दिन रेहेको छ । आईपीओमा आवेदनकर्ताले बुधबार कार्यालय समयभित्र आवेदन दिन सक्नेछन् । कम्पनीले मंसिर ११ देखि ११ लाख ४१ हजार २५० कित्ता आईपीओ निष्कासन गरेको हो ।
कम्पनीले वैदेशिक रोजगारीमा रहेका नेपालीका लागि आईपीओ बिक्री गरिसकेको हो । साथै, सामूहिक लगानी कोष र कर्मचारीका लागिसमेत सेयर बाँडफाँट गरिसकेको छ ।
कम्पनीको आईपीओमा न्यूनतम १० कित्तादेखि अधिकतम ५० हजार कित्ताका लागि ग्राहकहरुले आवेदन दिन सकिनेछ । लगानीकर्ताले सी-आस्वा सदस्य रहेका बैंक, वित्तीय संस्था तथा मेरो सेयरमार्फत आवेदन दिन सक्नेछन् ।
नेपाल वेयरहाउजिङ कम्पनीको बिक्री प्रबन्धक हिमालयन क्यापिटल रहेको छ ।
