काठमाडौँ । एनएमबि बैंकले गत आर्थिक वर्षको मुनाफाबाट लाभांश वितरण नगर्ने भएको छ । बैंकको मंसिर १३ गते बसेको सञ्चालक समितिको बैठकले २०७९-८० आर्थिक वर्षका लागि लाभांश वितरण नगर्ने निर्णय गरेको हो ।

बैठकले उक्त आर्थिक वर्षको वित्तीय विवरणअनुसार कायम रहेको वितरणयोग्य मुनाफाबाट लाभांश वितरण नगरी सञ्चित गर्ने निर्णय गरेको छ । वित्तीय विवरण स्वीकृतिका लागि नेपाल राष्ट्र बैंकमा पेस गर्ने भएको छ । साथै, आगामी वार्षिक साधारणसभाबाट अनुमोदन गर्ने बैंकले जनाएको छ ।

बैंकले अघिल्लो आर्थिक वर्ष २०७८-७९ मा ८.२५ प्रतिशत नगद लाभांश वितरण गरेको थियो ।