काठमाडौँ । सानिमा बैंकले दराजसँग सहकार्य गरेकोे छ । सानिमा बैंकले आफ्ना ग्राहकहरुका लागि दराजसँग ‘दराज ११.११’ योजनामा विशेष छुट दिने सहकार्य गरेको हो ।
बैंकको सो योजना अवधिभर दराजबाट सामान खरिद गरी ग्राहकहरुले सानिमा बैंकको डेबिट तथा क्रेडिट कार्डबाट अग्रीम भुक्तानी गर्दा विशेष छुट प्राप्त गर्न सक्नेछन् । साथै, ग्राहकहरुले डेबिट कार्डबाट भुक्तानी गर्दा १५ प्रतिशत वा अधिकतम् २ हजार रुपैयाँसम्मको छुट तथा क्रेडिट कार्डबाट भुक्तानी गर्दा २० प्रतिशत वा अधिकतम् २५ सयसम्मको छुट प्राप्त गर्न सक्ने कम्पनीले जानकारी दिएको छ ।
सानिमा बैंकले एक सुचना जारी गर्दै बैंकको योजना अवधिभर सहभागी हुने ग्राहकहरुलाई ‘पहिलोलाई प्राथमिकता’ को आधारमा छुट प्रदान गर्ने व्यवस्था रहेको जानकारी दिएको छ । साथै, ग्राहकहरूले छुटका लागि दराजबाट बैंक भौचर सङ्कलन गर्नुपर्ने हुन्छ ।
त्यस्तै, क्रेडिट कार्ड प्रयोगकर्ताहरुले मासिक किस्ताबन्दी (इएमआई) सुविधा पनि प्राप्त गर्न सक्नेछन् । बैंकको उक्त योजना २०८० कार्तिक २५ देखि २०८० मंसिर ६ गतेसम्म १२ दिनका लागि लागू हुनेछ ।
सानिमा बैंकको डेबिट, क्रेडिट कार्ड तथा मोबाइल बैंकिङ एप प्रयोग गर्दा विभिन्न अस्पताल, सपिङ्ग आउटलेट, होटेल, रेष्टुरेन्ट आदिमा विशेष छुटको व्यवस्था रहेको बैंकले जानकारी दिएको छ । उक्त, बैंकको देशका सातै प्रदेशमा १ सय ३२ वटा कार्यालय तथा १ सय २३ वटा ए.टि.एम. संचालनमा रहेका छन् ।
