काठमाडौं । तिहार बिदा अघिको कारोबारको अन्तिम दिन बिहीबार सेयर बजार मापक नेप्से परिसूचक घटेको छ । बुधबारको तुलनामा नेप्से परिसूचक ११.८५ अंकले घटेर १८५२.०८ बिन्दुमा पुगेको हो ।

बिहीबार नेप्सेमा कुल २८२ कम्पनीको २८ लाख ३३ हजार ७ सय ३१ कित्ता सेयर खरिद बिक्री हुँदा ८३ करोडमाथिको सेयर कारोबार भएको छ । आज पनि सबैभन्दा बढी कारोबार सोनापुर मिनिरल्स एण्ड आयल लिमिटेडको भएको छ । यस कम्पनीको ७ करोड ७० लाख ८६ हजार ६ सय ७३ रुपैयाँ बराबरको सेयर कारोबार भएको छ ।

यस्तै बिहीबारको सेयर बजारमा सयपत्री हाइड्रोपावरका लगानीकर्ताहरु मालामाल भएका छन् । यस कम्पनीको सेयर मूल्य ६ प्रतिशत भन्दा धेरैले बढेको हो । यस अलवा सनराइज ब्लुचिप फण्ड, ओरियन्टल होटल, समाज लघुवित्त वित्तीय संस्था, श्री इन्भेस्टमेन्ट फाइनान्स र सुपर मादी हाइड्रोपावरका लगानीकर्ताहरु पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच बिहीबारको सेयर बजारमा सोनापुर मिनिरल्स एण्ड आयल लिमिटेडको भएको छ । यस कम्पनीको ७ करोड ७० लाख ८६ हजार ६ सय ७३ रुपैयाँ बराबरको सेयर कारोबार भएको छ । यस अलावा सोल्टी होटल, हाथवे इन्भेस्टमेन्ट, तारागाउँ रिजेन्सी होटल, सानिमा जीआइसी इन्स्योरेन्स र साल्ट ट्रेडिङको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरूको सूचीः

यस्तै बिहीबारको सेयर बजारमा माउनटेन इनर्जी नेपालका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । माउनटेन इनर्जी नेपालमा यस्तो गिरावट आउँदा नेपाल एसबिआई बैंक, माया खोला हाइड्रोपावर, बुद्धभूमि नेपाल हाइड्रोपावर र मेंछियम हाइड्रोपावरमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः