काठमाडौं । युनिलिभर नेपालले पश्चिम नेपालको जाजरकोट र पश्चिम रुकुममा भुकम्पबाट प्रभावित जन समुदायहरुको साथमा ऐक्यबद्धता जनाएको छ ।

मानवीय सहायता प्रति आफ्नो प्रतिबद्धताको एक हिस्सा स्वरुप युनिलिभर नेपालले प्रभावित क्षेत्रहरुमा अत्यावश्यकीय सहायता सामग्रीहरु उपलब्ध गराएको छ । यतिबेला जाजरकोट र पश्चिम रुकुममा गएको भुकम्पबाट अत्याधिक प्रभावित स्थानीय जन समुदामयहरुलाई सहायताको ठूलो आवश्यकता रहेको छ ।

कम्पनीले हर्लिक्स, सुप, औषधी र औषधोपचार सामग्री, ७०० थान ब्ल्यांकेटहरु, २५० थान त्रिपालहरु र स्थानीय रुपमा खरिद गरिएका थप खाद्यान्नहरु जाजरकोट र रुकुम जिल्लामा वितरण गरेको छ ।

युनिलिभर नेपालले स्थानीय निकायहरु, संघसंस्थाहरु, संगठनहरु र समुदायहरुसँग समन्वय गरेर राहत सामग्री वितरणको कार्य प्रभावकारी ढंगले गरिरहेको छ । संकटको समयमा राष्ट्रलाई आवश्यक सहयोग गर्न, विपदजन्य सहयोगमा योगदान पु¥याउन र समुदायहरुको पुनः निर्माणमा सहायता प्रदान गर्न कम्पनीले प्रतिबद्धता जनाएको छ ।