काठमाडौँ । विराटनगरमा एभरेष्ट बैंकको एटिएम तोडफोड भएको छ । बिहीबार राती बैंकको विराटनगर शाखा कार्यालय अगाडि रहेको एटिएम मेसिन तोडफोड गरिएको हो ।
बैंकको एटिएममा चोरी गर्ने उद्धेश्यले तोडफोड भएको जिल्ला प्रहरी कार्यालय मोरङका प्रवक्ता तथा प्रहरी नायव उपरीक्षक (डिएसपी) रञ्जनकुमार दाहालले बताएका छन् ।
‘एटिएम तोडफोड गर्ने व्यक्ति चोरी गर्ने उद्धेश्यले एटिएम बुथमा प्रवेश गरेको देखिन्छ । एटिएम बुथमा प्रवेश गर्नेले फलामको रडजस्तो देखिने वस्तुले मेसिन फोड्ने प्रयास गरेको देखिएको छ ।’, डिएसपी दाहालले भने, ‘अहिलेसम्म एटिएम मेसिन फोड्न प्रयास गर्ने व्यक्तिको खोजि गरिरहेका छौँ, अनुसन्धान जारी छ ।’
डिएसपी दाहालका अनुसार एटिएम मेसिनमा तोडफोड भए पनि रकम चोरी भने भएको छैन । तर, एटिएम मेसिनमा भने क्षति पुगेको डिएसपी दाहालले बताएका छन् ।
