काठमाडौं । सिटिजन्स बैंकको स्वतन्त्र सञ्चालकमा डा. बिनोद आत्रेय नियुक्त भएका छन् । बैंकको बिहीबार बसेको संचालक समितिको बैठकले आत्रेयलाई नियुक्त गर्ने निर्णय गरेको हो ।
बैठकले उनलाई पुष १२ गते बिहीबारदेखि नै लागू हुनेगरी स्वतन्त्र सञ्चालक पदमा नियुक्त गरेको हो । स्वतन्त्र सञ्चालक रमेशराज अर्यालको राजीनामा स्वीकृत गर्दै आत्रेयलाई सञ्चालकमा नियुक्त गरिएको कम्पनी सचिव राजेन्द्रलाल श्रेष्ठले जनाएका छन् ।
उनीसँग बैकिङ क्षेत्रको करिव ४ दशक लामो अनुभव रहेको छ । नेपाल राष्ट्र बैंकको कार्यकारी निर्देशकबाट अवकाश लिएका डा.आत्रेय त्यसपछि पनि विभिन्न संस्थामा सक्रिया रहदै आएका छन् । राष्ट्र बैंककै प्रतिनिधिको रुपमा उनले नेपाल बैंक लिमिटेडमा प्रमुख कार्यकारी अधिकृतको रुपमा काम पनि गरेका थिए ।
पछिल्ला समय विशाल ग्रुप सम्बद्ध कम्पनीहरूमा सक्रिय भएका डा. आत्रेयले इमर्जीङ्ग नेपाल लिमिटेड कम्पनीको प्रमुख कार्यकारी अधिकृत, प्रुडेन्सियल इन्स्योरेन्समा विज्ञ सञ्चालक, सूर्य लाइफ इन्स्योरेन्समा विज्ञ सञ्चालक भएर काम गरेका थिए ।
