">
काठमाडौँ । विवाहको सिजन सकिएसँगै सुनको मूल्य पनि निरन्त घट्न थालेको छ । विवाहको सिजनका रुपमा लिइने मंसिर सकिएसँगै नेपाली बजारमा कीर्तीमानी कायम गरेको सुनको मूल्य घट्दो ट्रेण्डमा देखिएको हो ।
यसो त मंसिरमा नेपाली बजारमा सुनको भाउले नयाँ रेकर्ड नै बनाएको थियो । विवाहको सिजनमै प्रतितोला १ लाख २१ हजार ६ सय रुपैयाँ पुगेको सुनको मूल्य हालसम्मकै कीर्तिमानी मूल्य थियो । तर, मंसिर महिनाको विदाईसँगै सुनको मूल्य ओरालो लागेको छ । मंसिर सकिएकै दिन अर्थात पुष १ गते नेपाली बजारमा सुनको मूल्य तोलामै १३ सय रुपैयाँले सस्तिएको थियो । योसँगै अब सुनको मूल्य निरन्तर घट्दै जाने संकेत देखिएको व्यवसायीहरुले बताएका छन् ।
यद्यपि सुनको मूल्य बढ्नु वा घट्नुमा सिजनले फरक पार्दैन । तर, सिजन सकिएसँगै सुनको माग घटेपछि मूल्यमा पनि घट्दै जाने व्यवसायीहरुले बताएका छन् । अर्कोतर्फ अन्तराष्ट्रिय बजारमै पनि सुनको मूल्य वृद्धि हुँदा त्यसको असर नेपालमा पनि देखिएको व्यवसायीहरु बताउँछन् ।
तर, सुनको मूल्य अत्याधिक बढ्दा सिजनमा पनि सोचेजस्तो व्यवापार नभएको सुन व्यवसायीहरुको भनाई छ । हुन पनि यसवर्ष सुनको मूल्यमा देखिएको अचाक्ली वृद्धिका कारण १० तोला सुन किन्नेहरुले पनि २ तोला सुनमै चित्त बुझाएको देखिन्छ । यसले सुनको मूल्यसँगै मंसिरमा विवाह गर्ने जोडीको विवाह पनि महँगिएको प्रष्ट संकेत गर्छ ।
त्यस्तै, मंसिर सकिएसँगै घटेको सुनको मूल्य माघ लागेसँगै पुनः बढ्ने जानकारहरु बताउँछन् । माघपछि पुनः विवाहको सिजन सुरु हुने भएकाले सुनको माघ बढ्ने र अन्तराष्ट्रि बजारमा पनि सुनको मूल्य बढ्दो ट्रेण्डमा देखिएकाले माघमा सुनको मूल्य झनै बढ्ने अनुमान गरिएको छ । सम्भवत् माघमा सुनको मूल्यले पुषमा बनाएको रेडर्क ब्रेक गर्न सक्ने पनि अनुमान गरिएको छ ।
