काठमाडौं । गुराँस लघुवित्तले सेयरधनीलाई लाभांश नदिने भएको छ । लघुवित्तको मङ्सिर १६ गते बसेको संचालक समितिको बैठकले गत आर्थिक वर्षको मुनाफाबाट सेयरधनीहरुलाई कुनै पनि लाभांश वितरण नगर्ने निर्णय गरेको हो ।

संचालक समितिको बैठकले गत आर्थिक वर्षको नाफाबाट लाभांश वितरण नगरी सञ्चितिमा राख्ने निर्णय गरेको हो । साथै, बैठकले सोही बमोजिम वित्तीय विवरण स्वीकृतिका लागि नेपाल राष्ट्र बैंकसमक्ष पेश गर्ने निर्णय पनि गरेको छ ।

यसअघि कम्पनीले आर्थिक वर्ष २०७८/७९ को नाफाबाट भने ४.७५ प्रतिशत बोनस सेयर र कर तिर्न ०.२१ प्रतिशत नगद लाभांश वितरण गरेको थियो ।