काठमाडौं । कुमारी बैंक लिमिटेडले संस्थापक सेयर बिक्रीमा ल्याएको छ । बैंकले पुष १२ गतेबाट संस्थापक सेयरधनीको नाममा रहेको ३ लाख ४० हजार १६ कित्ता संस्थापक सेयर बिक्रीमा ल्याएको हो ।

उक्त सेयरमा बैंकका विद्यमान संस्थापक सेयरधनीले मात्र आवेदन दिन सक्नेछन् । सेयर खरिद गर्न इच्छुक सेयरधनीले आगामी ३५ दिनभित्र आवेदन दिनुपर्नेछ । बैंकको प्रधान कार्यालय वा कुमारी क्यापिटलको कार्यालयमा आफुले खरिद गर्न चाहेको सेयर संख्या खुलाई आवेदन दिनुपर्नेछ ।

सेयरको मूल्य भने बिक्रेताले तोके बमोजिम हुने बैंकले जनाएको छ । सो समयमा संस्थापक सेयरधनीबाट आवेदन नपरे अन्य व्यक्ति वा संस्थालाई बिक्री गरिने बैंकले जनाएको छ ।