काठमाडौं । महालक्ष्मी विकास बैंकले सेयरधनीलाई नगद लाभांश दिने भएको छ । बैंकले गत आर्थिक वर्षको मुनाफाबाट आफ्ना सेयरधनीलाई कर सहित ६.४० प्रतिशत नगद लाभांश दिने भएको हो ।
बैंकको पुष ३ गते मंगलबार बसेको संचालक समितिको बैठकले उक्त लाभांश वितरण गर्ने निर्णय गरेको हो । महलक्ष्मीले लाभांश वापत २६ करोड ६९ लाख ६४ हजार ३ सय ९० रुपैयाँ ४० पैसा वितरण गर्ने भएको छ ।
प्रस्तावित लाभांश नियामक नेपाल राष्ट्र बैंक र बैंकको आगामी साधारणसभाले पारित गरेपछि मात्रै सेयरधनीमा वितरण गरिनेछ ।
