काठमाडौँ । नाफिजको वार्षिकोत्सवमा पाँच जना पत्रकार पुरस्कृत भएका छन् । संस्थाको १४औँ वार्षिक साधारणसभाको अवसरमा आर्थिक, सहकारी, कृषि र बीमा विषयमा पाँच जना पत्रकार पुरस्कृत भएका हुन् ।
नाफिजले भरतमोहन अधिकारी स्मृति फाउन्डेसनको सहकार्यमा हरेक वर्ष प्रदान गर्दै आएको ‘भरतमोहन अधिकारी नाफिज आर्थिक पत्रकारिता पुरस्कार’ बाट अन्नपूर्ण पोस्टका पत्रकार रोविन पौडेल पुरस्कृत भएका छन । पुरस्कारको राशी ५० हजार रुपैयाँ रहेको थियो ।
यसैगरी, भरतमोहन अधिकारी सहकारी पत्रकारिता पुरस्कार विकास न्यूज डटकमका सीआर भण्डारीले प्राप्त गरेका हुन् । निर्जीवन बीमा व्यवसायी संघको सहकार्यमा यसै वर्षदेखि प्रदान गरेको ५० हजार राशीको ‘जिर्वीवन बीमा व्यवसायी संघ-नाफिज बीमा पत्रकारिता पुरस्कार’ बिमापोस्ट डटकमकी रिना खत्री र अर्थलगानीकी भिमा पन्थीले संयुक्त रुपमा प्राप्त गरेका छन् ।
त्यस्तै, ५० हजार राशीकै ‘जिर्वीवन बीमा व्यवसायी संघ-नाफिज कृषि पत्रकारिता पुरस्कार’ उकालो डटकमका रितेश त्रिपाठीले प्राप्त गरेका हुन् ।
